Rom 12:1-2 : Chutichuan, unaute u, Pathian khawngaihna avang hian, inthawina nung leh thianghlim leh, Pathian lawm tlak ni turin, in taksa chu inhlanah ka ngen a che u; Chu chu in rawngbawlna awm reng a ni.


Nitina kan hun hman thin dan hi kan ngaihtuah let ngai em? Pathian rawngbawltu kan intih lai hian, mi ten kan nunah Isua Krista hmel an hmu em, kan inhriatloh lai hian mite’n min chhiar a, min thlir reng a, keimahni kaltlang hian Krista hmel hmuh an lo inbeisei thin a sin. Rawngbawla kan in ngaiha, thawk hah viau a kan inngaih lai hian Pathian lawm tlak ni si lovah hian kan hun leh tha kan lo seng thlawn pal hang tih a hlauhawm. Kohhran a chanvo leh mawhphurhna hrang hrang kan hlenna kawngah hian Pathian a lawm a ngem tih kan ngaihtuah fo a ngai. Nihna leh chanvo, mawhphurhna hrang hrang hi chu mihring felna atangin tam tak a tihhlawhtlin theih a, Vanram kaina erawh a tling lo. Pathian hian kan taksa inhlan a, inthawina nung leh thianghlim leh Pathian lawm tlak a kan in pek hi a duh a ni.


    Kaina leh Abela chuan Pathian tan inthawina an hlan ve ve a, Kaina inthawina chuan Pathian a ti lawm lo. Thil tha emaw kan tih kan tih lai hian Pathian lawm tlak a ni em tih erawh kan chhut fo a ngai. Vawikhat chu Richard Wambranda kha rel a a chuan lain, a bul a tlangval pakhat lo thu ve kha Pathian thu a hrilh mawlh mawlh a, chu tlangval chuan, “Ka pu, I Pathian sawi chu engang hmel pu nge” tiin a zawt a, a ni chuan, ‘Pathian chu keimah ang hmel pu hi a ni’, tiin a chhang a, tlangval chuan,”chute chu I Pathian sawi chu ka ring e” a ti a ni. Pathian lawmtlak rawngbawltu nunah chuan miten eitur an hmu a, an bula chawlh an chak thin. Hawh u inthawina nung leh thianghlim leh Pathian lawmtlak a rawngbawl thei turin, keimahni nuna kalsan ngai leh insiamthat kan ngaihna zawna in siam tha in bul I tan leh ang u.