Hmangaihnaa min nun sakin, thihnain min chhandam a, kan sualte chu a rualin phum bo a nih hnuin, ropui takin a tho leh ta. 

He thawhlehna hian kan tana A nunna hlan a, min chhandamna hi a rawn tifamkim ta a ni. Lalpa chu fakin awm rawh se! He thawhlehna hian Isua Krista chu he khawvelah hian rorel turin A lokal leh dawn a ni tih min hriattir a. Chu rorelna chu keini, A hnung zuitute tan erawh chuan hlauhna tur a awm love. Kan tana hreawm tinreng tuar a, A nunna hial hlantu, kan Lalpa Isua Krista hi kan fellohna te, kan tlinlohna te thungrul turin a lo kal dawn si lova. Lalpa chu fakin awm rawh se! 

Kan theihna leh thiamna te tlem hle mah se, kan tana thihna hnehtu, Lal Isua Krista tana nung ve turin kan theih tawk I hlan ve ang u. Easter Sunday hman nuam vek u le.